Comeza na Coruña un curso sobre televisión por internet

Este mércores 6 desenvólvese na Coruña o curso "A televisión por internet". Organizado polo Máster de Comunicación Empresarial (MBA) da universidade coruñesa, en colaboración con Canle de Comunicación S.L., está dirixido a xestores e directivos de empresas, ademais de profesionais da comunicación en xeral, para introducilos no mundo da televisión en liña.

A Televisión por Internet
A raíz do futuro apagamento analóxico, a televisión por internet preséntase como un
potente complemento, e mesmo competidor, das televisións TDT. Polo seu menor custo e infraestrutura, a TVIP permítelles a empresas, organismos, colectivos e particulares crear a súa propia televisión con moito menos investimento ca unha canle tradicional. A televisión IP é, asemade, o máximo exponente da chamada web 2.0, un novo xeito de entender e de vivir a internet.

Na xornada participan tres expertos da empresa Vivocom, responsábel, entre outros, do lanzamento das canles de televisión por internet da Cruz Vermella, El Corte Inglés ou o BBVA. O acto de apertura do curso presídeo Manuel Fernández Iglesas, director xeral de Comunicación Audiovisual da Xunta de Galicia, ás dez da mañá no Salón de Graos da facultade de Ciencias Económicas e Empresariais da UDC, no Campus de Elviña