Ver y Cocinar, un novo videoblog de cociña

Os videoblogs son un xénero pouco común en España, que conta con poucos exemplos dignos de converterse en referente, pero Ver y Cocinar podería entrar dentro de tal exclusivo club, pois en pouco máis de 2 semanas xa promete un espazo de grande calidade audiovisual na que se pode ver a preparación de pratos de cociña por parte da súa presentadora, Marta.

Os clips veñen completados por instrucións escritas do proceso de preparación, así como a listaxe dos ingredientes precisos, o que enriquecen este espazo que non se pecha só á súa web, senón que os vídeos publicados a través de Vimeo tamén se poden integrar noutras páxinas web.

Ver y Cocinar tamén presenta pratos elaborados por cociñeiros de restaurantes que se dan a coñecer dende tal web, así como clips con trucos de cociña.