PuntoGal conseguiu 700 novos apoios durante o Xuventude Galiza Net

A asociación PuntoGal, que promove a consecución dun dominio de internet para a cultura galega, conseguiu máis de 700 sinaturas durante o encontro Xuventude Galiza Net. Co número de apoios que recibiu no posto instalado no Palacio de Congresos e Exposicións de Santiago, PuntoGal xa supera os 8.000 apoios individuais ao dominio.


A asociación estivo presente durante os tres días do encontro informático. Polo seu posto, situado á entrada do recinto, pasaron máis de 1.500 persoas de todas as idades. Moitos deles interesáronse pola iniciativa de PuntoGal e recibiron material informatvo. Os asinantes recibiron como agasallo camisetas co lema "Estouche a punto.gal" e adhesivos co logo "eu.gal".