A USC libera o código de tres ferramentas de análise lingüística

A Universidade de Santiago de Compostela (USC) vén de liberar tres ferramentas de uso lingüístico baixo licenza GPL e desenvolvidas, concretamente, polo Grupo de Investigación en Gramática de Español da Facultade de Filoloxía. Todas estas aplicacións foron desenvolvidas para galego, portugués, inglés, español e francés.

O código fonte destas ferramentas está dispoñible para descarga na páxina web da USC. Segundo informa na súa web o Centro de Referencia e Servizos de Software Libre de Galicia, Mancomún, trátanse dun analizador sintáctico multilingüe baseado en dependencias, un xerador automático de tesauros multilingüe e un extractor multilingüe de termos multipalabra.

Os requisitos técnicos para a instalación deste software son:

Distribución Linux
Intérprete perl situado por defecto en /usr/bin
Previa instalación de Freeling (opcional)