Curso de introdución a Galinux en Sada

O vindeiro 13 de marzo o centro da Rede de Dinamización da Sociedade da Información de Sada acollerá un relatorio sobre Galinux, o Linux en galego e de balde, no que os dinamizadores do concello, Víctor González e Lucía Sanz, amosarán aos asistentes as características e vantaxes do Galinux, así coma o seu funcionamento dende o punto de vista dun usuario normal.

O propósito deste obradoiro é que os asistentes saían sendo capaces de manexar con certa soltura os obxectos (ficheiros, cartafoles, ferramentas…) e funcionalidades básicas que ofrece un ordenador baseado en Galinux, distribución baseada en Ubuntu que conta con aplicacións libres de referencia coma o navegador web Firefox ou a suite ofimática OpenOffice.org, e está traducido completamente ao galego en boa medida grazas ao traballo de Mancomún.

0 comentarios: