GNU/Linux en tódalas escolas do Brasil

A empresa canadiense Userful e a brasileira ThinNetworks veñen de anunciar que foron seleccionadas para fornecer con 356.800 terminais de clientes lixeiros a todas as escolas dos 5.560 concellos que ten o Brasil.

Esta iniciativa fornecerá de acceso a un computador a millóns de cativos e adolescentes ao longo de todo o país. Este é un récord histórico en número de terminais lixeiros ata hoxe, un novo récord mundial de implantación de terminais con GNU/Linux, e tamén un récord en canto ao custo por terminal, por debaixo dos 40€.

A decisión de instalar esta solución de virtualización baseada en sóftware libre corresponde ao Ministerio de Educación do Brasil, e mostra a gobernos e institucións de todo o mundo un modelo a seguir no achegamento das novas tecnoloxías da información e do coñecemento aos seus cidadáns, usando tecnoloxías libres, económicas e máis respetuosas co meio ambente.