Nace o portal GaliciaXa.tv, con contidos multimedia de diversas entidades galegas


A Consellaría de Innovación e Industria, a través da Dirección Xeral de Promoción Industrial e Sociedade da Información, vén de por en funcionamento a web GaliciaXa TV, que recolle dintintas canles con contidos multimedia relacionados co mundo empresarial e Internet.

A entidade pública confioulle o deseño de GaliciaXa.tv ao provedor de produtos e servizos LambdaStream, empresa responsable doutras webs como Touriño.tv ou Mundosdigitales.tv, que empregan o sistema VoKDA para a distribución dos seus contidos, un potente servidor de streaming multimedia proporcinado por LambdaStream.
Os usuarios desta plataforma poden visualizar contidos das canles de GaliciaPMS, Mancomun, Rexistro de Nós, Rede de Dinamización, Sociedade da Información e Bygalicia, que conteñen entre outras cousas, entrevistas, eventos, xornadas, anuncios... e todo tipo de material audiovisual de interese para os internautas interesados na actualidade tecnolóxica galega.

As devanditas entidades que teñen presenza neste novo portal, recolleron ao longo dos últimos meses, diverso material audiovisual que se presenta aberta a través desta webTV nas súas canles específicas.

Entre os contidos que se poden visualizar ata o de agora os internautas destacan:
Información sobre a Responsabilidade Social Empresarial
As TIC en diferentes sectores empresariais
Memoria de muller
Galinux
Entrevista a Isaac Díaz Pardo
Entrevista a Elena Colmeiro
Entrevista a Maria Xosé Queizán
Entrevista a Xoán Bouzada Fernández
Entrevista a Antonio Abril. Secretario Xeral de Inditex
Entrevista a Xosé Domínguez. Presidente do Clúster do Naval Galego

0 comentarios: