A Vespalacón de Cuntis promociónase en YouTube

Por falta de promoción non será. Os organizadores da primeira Vespalacón, unha concentración de motos (vespas e labrettas) vinculada á Festa do Lacón con Grelos de Cuntis, recorreron a Internet para difundir este encontro que se celebrará na localidade o próximo 15 de marzo.

Damián Cortés, un dos responsables de que todo salga segundo o previsto, explicou onte que a idea de difundir a Vespalacón en YouTube, o sitio web que permite aos usuarios compartir vídeos dixitais, xurdiu para darlle á cita un ton simpático. O artífice do anuncio é Francisco Campos, membro da Asociación Escola Artística de Cuntis. Él mesmo protagoniza o vídeo.

«Quixemos facer algo simpático aproveitando as novas tecnoloxías, xa que #\\\\ estamos en Facebook», comentou Damián Cortés. No vídeo, que dura 48 segundos, promociónase a Vespalacón a través dun personaxe que alude ao seu «preparamiento» físico e mental, que culmina coa posta a piques dunha máquina, que «roza a perfección».

Ao anuncio súmase a páxina www.vespalacon.com. Nesta web danse todos os detalles para participar na concentración. A organización corre a cargo do Scutre Clú, futuro club de vespas e lambrettas. Damián Cortés sinalou que a iniciativa se concretou no marco dunha concentración que tivo lugar recentemente en Santiago. Antes expúxose esa posibilidade a «amigos dun clube de vespas de Vigo e outro de Ourense». O programa presentouse á concellaría de Cultura de Cuntis, que deu o visto e prace para incluíla na oferta da Festa do Lacón: «Aproveitamos que na festa xa #\\\\ a comida e lles dixemos que nos botasen unha man cos permisos de Tráfico».

Ata onte había 128 inscritos. O trámite pódese facer a través da dirección info@vespalacon.com. O prezo é duns seis euros. O programa inclúe, ademais de premios e agasallos para os clubs presentes, unha ruta polas aldeas da zona e unha exposición das motos na Horta do Cura, ademais da comida, a base de lacón con grelos e filloas. «#Conseguir\\\\+se\\\\\\ cen motos xa nos dariamos por satisfeitos. Van vir un par de vespas que teñen máis de 50 anos e ou pintor de Vilagarcía Carlos Maño ten previsto estrear a Psicotrópica».