Obradoiros en Ordes

Ábrese o prazo de inscrición dos obradoiros de Iniciación a Informática para Mulleres e de Office: Word en Ordes

O Centro Comarcal de Ordes en colaboración coa Rede de Dinamización da Sociedade da información e o Concello de Ordes abre a inscrición para os obradoiros de informática para Mulleres e de Office: Word de 10 horas de duración, que se desenvolverán desde o día 11 até o día 15 e do 18 até o 22 de febreiro en Ordes co seguinte horario: o primeiro obradoiro será de 17:00-19:00 horas e o segundo de 18:00-20:00 horas.

Con esta actividade preténdese favorecer o uso das novas tecnoloxías, para iso empezarase polos cursos máis básicos para ir pouco a pouco avanzando até niveis máis altos. O obxectivo principal destas actividades é que os usuarios e usuarias “perdan o medo” ao ordenador e o vexan como una ferramenta máis de traballo e unha alternativa de ocio.

Os obradoiros levaranse a cabo na Aula de Informática de Ordes, situada na rúa Xeneral Mola, 31, 2º andar.

O prazo de inscrición para os obradoiros comezará o día 24 de xaneiro. O número de prazas é limitado e será por orde de inscrición.

Para máis información contactar con Rebeca Sánchez no Centro Comarcal de Ordes ou no 981 68 83 86.





INICIACION Á INFORMÁTICA PARA MULLERES

DURACIÓN: 10 HORAS
DATAS: 11-15 DE FEBREIRO
HORARIO: 17:00-19:00 HORAS


OFFICE: WORD

DURACION: 10 HORAS
DATAS: 18-22 DE FEBREIRO
HORARIO: 18:00-20:00 HORAS