Subvención entidades sen ánimo de lucro 2008

O 21 de xaneiro publicouse no DOGA unha resolución do 31 de decembro de 2007 na que se convocan axudas a entidades sen ánimo de lucro para a adquisición de equipamento audiovisual e multimedia e para crear medios de información electrónica para o ano 2008.

O prazo para presentar as solicitudes remata o vindeiro 24 de febreiro (31 días naturais contados desde o día 22 de xaneiro).

A axuda será de ata o 70% da factura con un máximo de 500€ por PC, 130€ por receptor de TDT con MHP (servizos interativos), 30€ por receptor de TDT sen MHP e de 1.500€ en total para o caso da adquisición de equipamento audiovisual.
Para crear unha páxina web en galego a axuda máxima será de 400€.