Vieiros organiza un concurso de microrrelatos eróticos en galego

Vieiros, en colaboración coa Secretaría Xeral de Política Lingüística convoca un concurso de microrrelatos eróticos en galego baixo o título Ferve a Rede, no que poderán participar usuarios rexistrados en Vieiros, que poderán remitir ata 3 textos cunha lonxitude máxima de 550 caracteres.



Os relatos poderanse enviar entre os días 11 de febreiro e 10 de marzo, elixíndose o gañador do concurso por un xurado que publicará a súa resolución o 17 de marzo. Premiarase ó autor do microrrelato gañador cunha viaxe de catro días a Venecia (para dúas persoas), mentres que o resto de autores participarán nun sorteo dunha estadía dunha fin de semana nunha casa de turismo rural próxima á parroquia máis erótica de Galicia (O Sexo, na Golada).