Entran en funcionamento en Cuntis unha rede sen fíos Wimax e unha aula de dinamización

A directora xeral de Promoción Industrial e da Sociedade da Información, Helena Veiguela, inaugurou este xoves a implantación da rede de comunicación sen fíos Wimax no concello de Cuntis. A actuación foi posíbel grazas a un convenio entre a Consellaría de Innovación e Industria e Concello de Cuntis, cun investimento de 83.000 euros, e forma parte dun proxecto global para 12 concellos de todo o país cun orzamento dun millón de euros.

Helena Veiguela, acompañada pola delegada provincial da Consellaría en Pontevedra, Montse Prado, considerou imprescindíbel que toda a cidadanía de Galiza poida acceder de xeito eficiente á internet mediante a tecnoloxía necesaria, e salientou que o obxectivo prioritario do seu departamento é mellorar os niveis de utilización das TIC no país, nomeadamente nas zonas rurais, onde o espallamento da poboación e as dificultades de acceso provocan un menor grao de uso da rede.

En virtude do mesmo convenio, Cuntis contará cunha aula de dinamización da Sociedade da Información, punto de acceso para achegar internet con tecnoloxías de banda larga ao conxunto da cidadanía e que ofrecerá formación aos colectivos con maior dificultade.

0 comentarios: