Concurso Fotográfico Fundación Caixa Galicia

Como unha iniciativa máis en favor divulgación das artes, da imaxe e a cultura, Caixa Galicia convoca o "II Concurso fotográfico Fundación Caixa Galicia". Poderán participar no presente concurso todas as persoas físicas interesadas no eido da fotografía, que non obteñan desta actividade unha remuneración continuada, con obras que non fosen premiadas con anterioridade.

Poderán presentar entre 1 e 7 imaxes, xa sexa en cor, en branco e negro ou co tratamento de cor que considere o participante. As fotografías deberán reflectir dun modo subxectivo o traballo que Caixa Galicia desenvolve nos eidos social, deportivo e cultural.

Unha información máis ampla sobre estas actividades pódese obter nas páxinas www.caixagalicia.es,www.obrasocialcaixagalicia.org e www.fundacioncaixagalicia.org
Non se admitirán imaxes de montaxes, nin manipulacións que non sexan exclusivamente tratamentos de cor ou axustes referentes á calidade ou procesado da imaxe. En ningún caso se aceptarán nin poderán ser presentadas imaxes alleas.

As fotografías deberanse enviar en formato .jpg e RGB modo cor, cun peso entre 1 Mb e 3Mb e un tamaño mínimo de 21 x 29 cms con calidade 100% de compresión. Non se premiará ningunha foto que non teña calidade ou resolución suficiente. Os traballos aloxaranse na web www.caixagalicia.es, www.caixagalicia.es, www.obrasocialcaixagalicia.org e/ou www.fundacioncaixagalicia.org previa cumprimentación do formulario pertinente e aceptación expresa destas bases.

Dende a sección "Participa no concurso" o participante rexistrará os seus datos de contacto e recibirá no correo electrónico a súa clave de acceso. Unha vez validado poderá comezar a subir as súas fotografías.

O prazo de admisión de orixinais remata o día 18 de abril de dous mil oito. EEntregaranse 3 premios distribuídos da seguinte maneira: Primeiro Premio de 1.500 € e Segundo e Terceiro Premios de 500 € en metálico.

0 comentarios: