A presentación do Windows Vista en galego terá lugar o vindeiro 8 de abril en Santiago

Funcionalidade Flip 3D en Windows VistaA Asociación Multisectorial de Novas Tecnoloxías da Información e a Comunicación (INEO) vén de anunciar a presentación do Windows Vista en galego que organiza en colaboración coa Fundación Galega da Sociedade do Coñecemento e que terá lugar o vindeiro 8 de abril no Pazo de Congresos e Exposicións de Santiago de Compostela.

O acto, que contará coa presenza do presidente da Xunta, Emilio Pérez Toriño e coa da presidenta de Microsoft Ibérica, Rosa María García, ofrecerá información de primeira man con respecto ás novidades do sector TIC, e desvelará a estratexia de Microsoft para Galicia de xeito directo e a través das declaracións da propia presidenta da firma.

A participación na devandita presentación é de balde e os interesados en acudir deberán inscribirse antes do vindeiro 3 de abril na seguinte ligazón: http://www.f5interactiva.com/clientes/microsoft/galicia/.