Agestic celebra unha Xornada de Dinamización en Lugo

A Asociación Galega de Empresas de Tecnoloxías (Agestic) vén de anunciar a celebración dunha Xornada de Dinamización da I+D+i entre empresas e investigadores do campus de Lugo que terá lugar o vindeiro 2 de abril no edificio Cactus da cidade da Muralla.

Agestic colabora coa Consellaría de Innovación e Industria, a Universidade de Santiago de Compostela-Campus Lugo e a consultora Serviguide para a celebración deste evento que contará coas intervencións de:

.D. Agustín Merino. Vicerreitor Adxunto de Investigación USC- Campus de Lugo
.D. José María López Bourio Presidente AGESTIC
.Dª Xulia Guntín Araújo. Subdirectora Xeral de Xestión do PGIDIT - Dirección Xeral I+D+I-Consellería de Innovación
.Dª Natalia Nogueira López Responsable Area Innovación Serviguide.

Esta xornada pretende aclarar as dubidas existentes sobor da colaboración entre os grupos de traballo da USC e as empresas, a fin de presentar proxectos ás convocatorias inminentes da Consellería de Innovación no eido da I+D+I, asemade, expertos en innovación da consultora Serviguide explicarán as deduccións fiscais ás que poden acollerse as empresas e os apoios cos que poden contar para a presentación dos seus proxectos, a fin de que obteñan éxito.

Asemade, o devandito acto servirá para presentar a Revista Dixital de Innovación así como o Manual Guía de Innovación editado por Agestic do que se entregraá un exemplar aos asistentes.

A inscrición é de balde e débese formalizar mediante o envío do formulario cumprimentado ao enderezo electrónico tecnicos@agestic.org ou por fax ao número: 982 873 903.