Segue aberta a convocatoria de axudas para a compra de ordenadores ao alumnado non universitario

Aínda hai tempo, até o 10 de abril, para solicitar as axudas de 300 euros para a adquisición de ordenadores persoais para o alumnado non universitario. En total, a Consellaría de Educación dedica 800.000 euros para 2.666 beneficiarios, que poden cumplimentar as solicitudes na web do departamento.

As axudas van destinadas a sufragar a compra dun ordenador persoal de primeira man, ben sexa de escritorio ou portátil, entre o 1 de xaneiro e o 20 de setembro de 2008. O computador de escritorio deberá estar composto, como mínimo, por CPU, teclado, rato e pantalla.

A solicitude, que se debe cubrir na web https://www.edu.xunta.es/axudasord/, máis os anexos e a documentación pódense presentar no rexistro da Consellaría, nos das delegacións provinciais de calquera consellaría, nos portelos únicos dos concellos e nos gobernos civís.

A medida contribúe a cumprir o punto INCL-LA1 do PEGSI -Inclusión na sociedade da información-.