Novos obradoiros de informática para o Concello de Ordes

O día 11 de febreiro abrirase o prazo para os novos obradoiros de informática

O Centro Comarcal de Ordes en colaboración coa Rede de Dinamización da Sociedade da información e o Concello de Ordes ten programado abrir a inscrición para os obradoiros de Novas Tecnoloxías que se levarán a cabo durante o mes de marzo.

Os obradoiros que se levarán a cabo na Aula de Informática de Ordes, situada na Casa da Cultura, serán os seguintes: Iniciación a Informática (10 h.), Iniciación a Internet (5h), Creación de contas de correo (6 h.), Word (10h) e Mecanografía (14h).

O prazo de inscrición comeza o día 11 de febreiro, para apuntarse chamar ou persoarse no Centro Comarcal de Ordes no seguinte horario: Luns, mércores e venres de 11:00 a 15:00 horas. O número de prazas para cada curso é de 10 por orde de inscrición.

Para máis información contactar con Rebeca Sánchez no Centro Comarcal de Ordes ou no 981 68 83 86 ou en: http://dinamiza.sociedadedainformacion.eu/