Jujel

Dende Galicia incorporouse un novo membro á grande familia dos 'buscadores que se parecen a Google'. Segundo o creador do invento, un informático que agarda no anonimato a que algunha gran empesa da web 2.0 pague unha millonada polas súas ideas, "o obxectivo era botarse unhas risas".

A idea
"Fai un ano pasado traballou con nós un rapaz de Ribeira que escribía estou en Santiajo e sento de erros nos seus mails e iso deixoume marcado de por vida", confesa o responsable de Jujel, que rexistrou a URL nunha promoción de dominios .es no mes de Novembro. "O que pensei no momento de rexistralo foi: Jujel, o buscador do Barbansa. Logo retirei o do Barbansa por se pensaban que me metía con eles".

A semana pasada, este innovador atopou un momento libre entre os encargos que recibe a súa empresa, e decidiu pór mans á obra no proxecto. "O que me levou máis tempo foron as explicacións de 'que é isto' ou 'J non existe en galego'".

Jujel utiliza o Custom Search Engine de Google, que permite especificar que sitios aparecen nas pesquisas. De feito, o autor de Jujel sinala que o seu próximo obxectivo será facer máis modificacións para darlle máis peso ós resultados galegos.

Tamén preveu -con demasiado optimismo- unha avalancha de fans do novo servizo web, polo que pon a disposición unha serie de banners, e está previsto o deseño de camisetas de 'I love Jujel'