BaGoNiX.net achega varias traducións de software ao galego

Dende Mancomún dan a coñecer ao grupo de usuarios de GNU/Linux do Val Miñor, BaGoNiX.net, que nace «coa intención de traballar coa xente que ten máis dificultades en migrar por causa da fenda dixital, como é a xente do rural, incluíndo á xuventude, mulleres e persoas maiores» para o que fan uso das ferramentas propias da web e aglutina a linuxeiros de Oia, A Guarda, Tomiño, O Rosal, Tui, O Morrazo, Valença, Caminha ou Viana do Castelo, aos que xa podemos agradecer traducións ao galego de aplicacións coma Ipernity, Adblock Plus e Zotero.