Catoira estrea telecentro de comunicación

Manuel Conde Mouzo, subdirector xeral de Telecomunicación e Audiovisual, e Alberto García García, alcalde de Catoira, inauguraron hoxe o telecentro de comunicación do concello para converter o local nun espazo axeitado para iniciarse no mundo da comunicación audiovisual e alfabetización dixital, mentres que dende Ribeira o alcalde José Luis Torres Colomer daba a benvida ao concello de Catoira á Rede de Telecentros de Comunicación.

A posta en marcha deste telecentro de comunicación tivo un orzamento de 120.000euros, co que se dotou á sala da Biblioteca Pública Municipal con 20 equipos informáticos, aínda que dende a Xunta tamén promoven a dinamización deste tipo de infraestruturas, para que permitan o desenvolvemento de proxectos que permitan aproveitar as sinerxías que xorden da administración autonómica e da local.