A distribución en papel do New York Times custaría o dobre que a través do Amazon Kindle

Os últimos resultados financeiros publicados polo The New York Times dan a coñecer que o xornal gasta 644 millóns de dólares ao ano el gastos de envío aos seus 830.000 subscritores, o que correspondería a uns 775 dólares por subscritor, de aí que dende Alleyinsider.com se apresuren a destacar que o lector de libros electrónicos de Amazon, Kindle, custa 359 dólares, polo que custaría a metade repartir este dispositivo entre o lectores habituais do xornal (aos que achegaríase o mesmo nunha edición dixital mediante a rede de telefonía móbil e sen custo para o usuario).

Esta descuberta non vai forzar ao xornal norteamericano a apostar polo Kindle, pero si chama á reflexión sobre unha das causas que está a provocar a crise no modelo de negocio da prensa, pois as edicións dixitais (sexa baseadas en tinta electrónica ou na web) teñen unha relación de custos moi diferente á dos soportes tradicionais, o que resulta innegable