Mércores tecnolóxicos en Vigo

A Obra Social de Caixanova vai iniciar no mes de febreiro os "Mércores tecnolóxicos", sesións gratuítas de iniciación nos recursos que ofrece internet e nas diferentes ferramentas informáticas. Os obradoiros deenvolveranse nas Aulas de Novas Tecnoloxías do Centro Social Caixanova de Vigo.
A iniciativa súmase a outras que xa efectúa a entidade no mesmo eido, como cursos de iniciación, de retoque de fotografía dixital, creación de páxinas web ou vídeo. Desta volta, trataranse temas como a creación dun blog ou dunha páxina web, a compra de billetes de avión a través da internet, crear unha conta de correo electrónico, organizar arquivos ou crear DVD.

Os obradoiros desenvolveranse en febreiro, marzo e abril en horario de 18:30 a 19:30 horas. A inscrición é de balde e pódese efectuar dende a web da Obra Social Caixanova. A oferta é a seguinte:

Febreiro

11: Como organizar os teus arquivos e cartafoles nun ordenador
18: Gravación de CD e DVD
25: Como descargar e organizar as túas imaxes dixitais
Marzo

4: Creación e organización dunha conta de correo electrónico
11: Crea un blog gratuíto con Blogger
18: Comprar un billete de avión por internet
Abril

1: Comparte os teus vídeos en YouTube
15: Fala de balde con outras persoas utilizando internet
22: Retoca as túas fotos con Picasa
29: Crea unha páxina web Google Sites