
Greenpeace segue a botar man da Rede para facer tamén nela o que leva anos facendo coa axuda de buques ecoloxistas, pancartas, altofalantes, montaxes e (malia os erros que puído ter cometido) afouteza abonda. O caso é que a Internet, tanto para esta como para outras organizacións (pensemos por exemplo na intensa actividade xerada en liña por colectivos da nosa terra como Adega ou Verdegaia), semella facilitar a achega de mensaxes, tanto polo que representa como polo que inclúe: ferramentas que melloran a comunicación e a participación.
Nesta liña de tirar partido da Rede a día de hoxe (que non é a mesma cá de onte) é onde se insire Fotodenuncia, un espazo aberto para as achegas informativas de calquera cidadán e co que Greenpeace pretende mellorar a súa capacidade de observatorio das agresións á natureza.
A idea non é outra que botar man dos internautas para chegar a onde non sería posible chegar doutro xeito: a denunciar o máximo número de agresións. Segundo apunta a organización ecoloxista, calquera cidadán pode contribuír ó proxecto empregando súa cámara dixital, o seu móbil e un acceso á Rede.
Logo, o lugar exacto e a natureza da agresión (sexa da índole que sexa: ó mar, ós ríos, ó monte, etc.) será localizada xeograficamente nun mapa habilitado na devandita web.
Greenpeace convida ós internautas a denunciar nun mapa todas as agresións ó medio
6/3/08 | Inserido Rebeca Sánchez 0 comentarios
Etiquetas: Novas España
Mobuzz TV estrea 2 novos programas

Mobuzz TV, a plataforma de podcasts de vídeo máis popular de España, está a medrar, de xeito que á súa coñecida Dosis Diaria (con versións en español, francés e inglés) engade agora dous novos podcasts, El Punto Gilton e El Noticiero.
El Punto Gilton é un programa dedicado ó mundo rosa, que ten coma musa a Paris Hilton, aínda que El Noticiero supón todo un cambio para Mobuzz TV, pois en vez de contar con conductores descoñecidos aposta por Javier Capitán coma presentador, sumándose a Miriam Reyes (quen presentaba o espazo en solitario).
Agora, os internautas poderán ver de balde unha pílula diaria con información de actualidade tingida de sátira e humor, da man dun profesional de longa traxectoria en radio e televisión, que podería marcar un momento histórico na aposta polo vídeo na Internet en España.
Inserido Rebeca Sánchez 0 comentarios
Etiquetas: Novas España, Tecnoloxía
Cogami reúnese estes días con expertos europeos en inserción e novas tecnoloxías
Os días 7 e 8 de marzo, a sede en Santiago da Confederación Galega de Persoas con Discapacidade (Cogami) vai acoller unha serie de sesións encamiñadas a atopar novos vieiros de integración para estes colectivos a través do emprego das novas tecnoloxías. Os traballos faranse no marco do proxecto 32 LL Clubs financiado polo Fondo Social Europeo e neles participarán representantes desta entidade e de outras semellantes de sete países da UE.
Segundo informa Cogami, a finalidade destas sesións é “asentar o traballo en rede entre as entidades promotoras da idea (compartindo recursos, prácticas, ferramentas, etc) e tirando partido no posible das posibilidades que achegan as novas ferramentas”.
En realidade, as sesións de Cogami forman parte do programa de actividades dunha rede de colaboración que recibe o nome de “LLL Clubs” (Clubs de Aprendizaxe Continuo) e nela colaboran entidades con experiencia na creación de emprego. Por certo que o 32 LLL Clubs ten como gran obxectivo a medio prazo a posta en marcha dunha gran rede europea que posibilite o intercambio de información e que xire arredor dunha páxina web que inclúa todas as ferramentas e métodos que levan subministrado o proxecto e o seus integrantes.
Inserido Rebeca Sánchez 0 comentarios
Etiquetas: Novas Galiza
Innovación e Industria potenciará o software libre a través do Cesga

A Consellaría de Innovación e Industria apoiará a realización de actividades que promocionen o software libre en Galiza. O departamento dirixido por Fernando Blanco transferirá ao Centro de Supercomputación de Galiza (CESGA), dependente da Consellaría, 675.000 euros para o desenvolvemento destas actuacións.
O Consello da Xunta deste xoves aprobou a medida da Consellaría, que ademais servirá para promover o desenvolvemento dun Centro de Referencia e Servizo de software libre que sexa capaz de aglutinar e colaborar na xestión das distintas iniciativas para a promoción do software libre promovidas polo departamento, dentro dunha acción estratéxica para dinamizar os recursos e servizos que caracterizan a sociedade da información.
Innovación e Industria anunciou que promoverá todas aquelas actividades destinadas a promover a localización de software libre en galego co obxectivo de manter actualizada como mínimo unha configuración de escritorio ofimático multimedia completamente funcional en galego; reforzar o actual repositorio de software libre e documentación en galego, a Forxa (localizado no portal web de Mancomun.org), levando a cabo accións directas de dinamización en contornos empresariais e universitarios; facilitar e incrementar a implantación de software libre e de estándares abertos con especial atención ao entorno empresarial; e acometer accións de formación divulgativa sobre os conceptos do software.
Por outra parte, a Consellaría de Innovación e Industria impulsará o uso das ferramentas libres máis estendidas, os mecanismos de liberación de software e as dinámicas de participación que favorezan a integración de novos membros na comunidade de desenvolvemento do software libre; apoiar os labores de observación e prospección estatística sobre estudos de software libre realizadas polas entidades e institucións galegas competentes; promover a participación e co-organización de sesións de traballo con comunidades de desenvolvemento de software libre para facilitar e fomentar a integración da comunidade galega do software libre nas dinámicas de organización e produción baseadas no traballo colaborativo internacional en rede e fornecer un servizo de soporte técnico de primeiro nivel como apoio á posta en marcha de iniciativas baseadas en software libre consideradas de interese.
Inserido Rebeca Sánchez 0 comentarios
Etiquetas: Novas Galiza, Tecnoloxía
La Gran Guía de los Blogs 2008 xa se pode descargar de balde en formato PDF

Páxinas interiores do libroO libro La Gran Guía de los Blogs 2008, de Rosa Jiménez Cano e Franciso Polo, editado na Colección Planta 29 de Ediciones El Cobre, naceu o pasado decembro coa vocación de servir de anuario da blogosfera hispana, e os interesados que non puideron facerse coa edición impresa poden agora descargala da Internet en formato PDF, tanto completo coma por capítulos, aínda que por desgraza se trata dunha versión escaneada (o que limita a calidade da copia).
A publicación inclúe uns primeiros capítulos introductorios sobre o fenómeno dos blogs e as visións que dan sobre o mesmo distintos analistas, completándose cunha guía na que se dedica media páxina a cada un dos blogs referenciados.
4/3/08 | Inserido Rebeca Sánchez 0 comentarios
Etiquetas: Novas España
A Feuga ofrece en marzo dous novos cursos sobre innovación no empresarial
A Fundación Empresa-Universidade Galega (Feuga) segue adiante cos seus cursos de formación empresarial. Estas actividades, que van encamiñadas a que a innovación se dea dun xeito tan doado coma as restantes actividades dunha empresa, xirarán arredor de cuestións como as ferramentas de xestión informática ou a procura de novos negocios ou mercados. Desta volta, os cursos da Feuga para este mes de marzo na súa sede de Santiago son dous: un a desenvolver do 11 ó 14 en colaboración con Aenor sobre as chaves que prenden a innovación e outro para os días 26 e 27 sobre ferramentas informáticas de optimización dos recursos dunha firma.
A primeira das actividades, baixo o título Cómo implantar un sistema de gestión de I+D+i na empresa, constitúe a apertura dunha serie de catro cursos que Feuga vai impartir con Aenor ó longo deste ano. Vai dirixido a consultores, persoal docente e investigador, profesionais, directivos e empresarios. A súa duración é de 21 horas e será impartido por Natalia Nogueira e Marta Bravos.
Polo que respecta á segunda das iniciativas para este mes de marzo, o curso Excel Business Solutions: Aplicacións avanzadas de Excel para a xestión empresarial, dicir que é a repetición dunha actividade previa que se viu rebordada polo número de persoas inscritas, polo que a Feuga decidiu poñela de novo en marcha. O curso vai ser impartido por Kiko Rial, director delegado para Galiza do Instituto de Empresa e vai dirixido a achegar ferramentas de mellora na xestión empresarial a través do programa de follas de cálculo Excel. Como dixemos, celebrarase os días 26 e 27.
As persoas interesadas en inscribirse en ámbalas actividades poden facelo a través da web da Feuga ou solicitando información no teléfono 981 534 180.
Inserido Rebeca Sánchez 0 comentarios
Etiquetas: Obradoiros e cursos
54 blogueiros galegos publican un libro colaborativo

Da colaboración de 54 blogueiros galegos sae o Proxecto Identidade, que se concreta nun líbro de 198 páxinas en formato cadrado (18 x 18 centímetros) que saiu á venda o pasado sábado a través da Internet a 29,95 dólares (13,15 euros) grazas ó servizo de Blurb, que permite de xeito doado a autoedición de iniciativas interesantes coma esta.
O libro é un compendio de identidades, que presenta relatos, poemas, fotografías, ilustracións… toda unha mestura de contidos que pretende servir de reflexo dos eus dos distintos autores, e dos que podemos ver un adianto nun ficheiro PDF no que se recollen as 15 primeiras páxina do texto para animarnos ás súa adquisición en formato físico.
3/3/08 | Inserido Rebeca Sánchez 0 comentarios
Etiquetas: Novas Galiza
Cursos ON-LINE gratuitos
Pincha aquí para máis información.
Inserido Rebeca Sánchez 0 comentarios
Etiquetas: Obradoiros e cursos
Zapatero convida á blogueira galega de máis idade a visitar a Moncloa

Zapatero conversando con María AmeliaMaría Amelia, a muxiá que entrou na blogosfera con 95 anos e que gañou a pasada edición dos premios BOBs, foi recibida a pasada semana por José Luis Rodríguez Zapatero, na súa visita á cidade herculina, mantendo unha conversa entre ambos, que pechou cunha invitación á blogueira galega a visitar a Moncloa.
Co breve encontro a considerada socialista de máis idade de España puido coñecer de preto ó seu admirado político, do que recibiu unha insignia do partido.
Inserido Rebeca Sánchez 0 comentarios
Etiquetas: Novas Galiza
Narratopedia: novo obradoiro literario na Rede con feitura de rede social
A idea do obradoiro literario na Rede non é nova: hai unha chea deles en activo, e van dende a sinxeleza dun foro ou un blog até propostas máis elaboradas como por exemplo as que ten achegado Escueladeescritores.com. A novidade, polo tanto, tería que vir da man dos engadidos e das ligazóns con outras iniciativas web. Nesta liña de mestura de ideas e formatos é onde se inscribe a Narratopedia, un proxecto que segundo Efe nos medios ten “corpo de wiki, face de blog e alma de Second Life”. Porén, a proposta, que inclúe como ingrediente final (ese que lle dá consistencia ó prato) a seria vontade de facer rede social, está a piques de arrancar cun mal paso que agardamos que se corrixa ó coller un algo de pulo: vai encamiñado só a escritores en liña castelán falantes.
Con todo, ten unha serie de detalles ó seu favor: poderanse empregar todo tipo de soportes (vídeos, sons, fotos ou deseños) e os propios internautas seremos os encargados de editar e cualificar logo os textos. Isto último, que bebe das fontes da Rede participativa na que estamos metidos, vai dirixido a tirarlle partido no literario a unión libre de talentos. Dito doutro xeito: ninguén que o mereza ficará sen unha mala crítica e, no caso do traballo de tipo colectivo, é probable que a onde non chegue o cerebro dalgúns dos participantes cheguen o dos demais, e viceversa. A proposta vén da man do mestre colombiano de literatura Jaime Alejandro Rodríguez, quen xa ten unha experiencia nisto de facer relatos para canles dixitais. Ó seu xuízo, o obradoiro estará listo para entrar en funcionamento nas vindeiras semanas, aínda que en fase de probas.
Inserido Rebeca Sánchez 0 comentarios
Etiquetas: No mundo

