Concellos e asociacións terán dinamizadoras de novas tecnoloxías

Sete concellos e dúas asociacións da provincia de Lugo integraranse nunha rede de dinamización da sociedade da información mediante un convenio asinado onte coa Consellería de Industria. O obxectivo é fomentar o coñecemento e o interese polas tecnoloxías da información e da comunicación (TIC) en zonas con dificultades para a súa penetración e en sectores da poboación que están á marxe nas zonas rurais.

O acordo foi asinado onte pola directora xeral de Promoción Industrial e dá Sociedade dá Información, Helena Veiguela, cos alcaldes e representantes dos concellos de Ribeira de Piquín, A Pastoriza, Riotorto, Mondoñedo, Ribadeo, Burela e Chantada. Tamén foi subscrito coa Fundación CEL e coa Asociación de Veciños de Cabreiros, en Xermade.

O acto celebrouse ao mediodía no edificio da Xunta, coa asistencia tamén do delegado provincial de Industria, Ramón Cortés, e de todo o persoal que vai desenvolver o programa na provincia. Nesta segunda convocatoria foron atendidas en toda Galicia 36 solicitudes doutros tantos concellos e asociacións, correspondéndolle a esta provincia a cuarta parte. Con respecto ao persoal que levará a cabo as iniciativas, a directora xeral dixo que no conxunto da Comunidade foran presentadas máis de 90 solicitudes, dándose a circunstancia de que, salvo unha, todas corresponderon a mulleres.

Estas persoas, con contratos de bolseiras , centrarán todo o seu traballo en conseguir espertar o interese polas TIC entre un sector da poboación que está á marxe. Para iso, nos seus respectivos municipios ou colectivos organizarán charlas-coloquio, presentacións e outros actos de difusión das novas tecnoloxías e das súas posibles utilidades para eses colectivos.

Unha segunda fase será a organización de talleres e cursos con persoas interesadas. Neste caso a misión das bolseiras será coordinar e reunir a un colectivo nunha zona, xa que a parte docente estará a cargo de persoal especializado.

Innovación e Industria e Eroski potenciarán o uso do galego na telefonía móbil

A Consellaría de Innovación e Industria e a sociedade Eroski promoverán e fomentarán o uso do galego de xeito progresivo no ámbito do sector da telefonía móbil. Isto é así grazas ao convenio de colaboración que asinaron o conselleiro de Innovación e Industria, Fernando Blanco, a directora da Secretaria Xeral do Grupo Eroski, Leire Barañano, e o director xeral de Velgasa, Joaquín González Iglesias.

Mediante este convenio, a Consellaría de Innovación e Industria dará o apoio institucional necesario a cada unha das actividades levadas a cabo pola operadora en materia de promoción da lingua e cultura galega, ao mesmo tempo que lles presta o seu asesoramento lingüístico de xeito gratuíto nas revisións terminolóxicas das traducións en galego. Para rematar, promocionará de xeito anual as novidades que haxa en galego baixo o concepto ‘Telefonía móbil en galego’, sobre todo na campaña de Nadal.

A Deputación da Coruña edita un CD-Rom que compila as principais ferramentas informáticas para o uso correcto do galego

O deputado responsable da área de Benestar Social, Políticas de Igualdade de xénero e Normalización Lingüística da Deputación da Coruña, Xoán Manuel Sande, e a concelleira de Mocidade, Solidariedade e Normalización Lingüística do concello da Coruña, Ermitas Valencia Romar, presentaron esta mañá, na sede da institución provincial, o CD-Rom e a páxina web " Recursos Lingüísticos".

Segundo explicou Xoán Manuel Sande, a Deputación da Coruña editou un total de 3.000 CD-Rom desta ferramenta informática, que serán distribuidos aos concellos e ás entidades sociais da provincia. Neste soporte informático inlúense "os recursos e ferramentas lingüísticas e sociolingüísticas máis destacadas que se poden atopar na rede", como ligazóns a dicionarios e vocabularios, tradutores, recursos para a aprendizaxe e mellora do noso galego e un amplo apartado denominado "Linguateca", no que o usuario poderá atopar dende enderezos relacionados coa toponimia e a antroponimia, ata enlaces nos que descargar programas informáticos de uso cotián en lingua galega.

A información incluída neste CD-Rom compleméntase cunha páxina web, que inclúe a posibilidade de descarga desta ferramenta informática, e que servirá como "punto de encontro" para escoitar as propostas e comunicacións das persoas que queiran achegar opinións e recursos.

A páxina web entrará en funcionamento nos vindeiros días na dirección web www.recursosparaogalego.com , e contará ademais cunha ligazón dende a páxina web principal da Deputación da Coruña www.dicoruna.es. Como o proceso non se presenta como un proxecto estático, xa que poden aparecer novos recursos, ou mudar os existentes, a páxina web servirá como elemento de actualización do CD-Rom.

Segundo explicou a concelleira responsable da área de Normalización Lingüística da Coruña, Ermitas Valencia, o concello herculino ven de adquirir 1.000 Cd-Rom, que ademais de ser distribuidos ás entidades da cidade, serán usados en obradoiros en diferentes asociacións "para dar a coñecer esta ferramenta informática de gran utilidade e complementar a labor da Deputación".

Ermitas Valencia considerou especialmente interesante a sección "Linguateca", que permitirá ás empresas e entidades obter software libre en galego, e destacou que o obxectivo principal desta acción é "prestixiar a lingua galega a través das novas tecnoloxías".

Novas

O CESGA desenvolve un contorno virtual para mellorar a calidade de vida das familias con persoas con diversidade funcional.O proxecto é cofinanciado pola Consellaría de Innovación e Industria a través da Dirección Xeral de I+D+i.

Santiago de Compostela, 29 de xaneiro de 2008.- A área de e-learning do CESGA traballa na implementación dun contorno virtual baseado en Software Libre, dentro do marco do proxecto de investigación “Estudio e análise do impacto da utilización das TIC na atención ás persoas con discapacidade e ás súas familias: Calidade de Vida e Autoxestión”. Este contorno permitirá, entre outras cousas, mellorar tanto a comunicación intrafamiliar como a comunicación entre as familias e o equipo de psicólogos da Universidade de A Coruña. Tamén posibilitará o acceso a información e servicios personalizados de asistencia, consultoría, etc. para as familias con persoas con diversidade funcional.

O Congreso I+C quenta motores

O encontro científico, ao que asistirán 400 investigadores e no que se presentarán 400 comunicacións, servirá para conformar a Asociación Española de Investigación da Comunicación (AE-IC)

O Congreso Investigar a Comunicación abrirá as súas portas o mércores 30 a partir das dez da mañá, cunha sesión inaugural na que intervirán Senén Barro (reitor da USC), Emilio Pérez Touriño (presidente da Xunta de Galicia), Xosé Sánchez Bugallo (Alcalde de Santiago), Fernando Blanco (conselleiro de Innovación e Industria), Ánxela Bugallo (conselleira de Cultura), Margarita Ledo (presidenta da Comisión Organizadora) e Miquel de Moragas (presidente da Comisión Xestora da AE-IC). A seguir, Nestor García Canclini, profesor da Universidade Autónoma de México, ofrecerá a Conferencia Inaugural: Investigar a Comunicación. Retos Científicos, Metas Sociais.

O venres pola tarde celebrarase a asemblea fundacional da Asociación Española de Investigación da Comunicación (AE-IC), cuxa importancia radica en que no futuro servirá como representante dos investigadores perante as instancias responsables da política española e europea de Investigación e Desenvolvemento.

Prazas esgotadas

As prazas para os obradoiros do mes de febreiro esgotáronse hoxe pola tarde. As 10 prazas de cada un dos obradoiros cubrironse en menos dunha semana.

Os obradoiros:

INICIACION Á INFORMÁTICA PARA MULLERES

DURACIÓN: 10 HORAS
DATAS: 11-15 DE FEBREIRO
HORARIO: 17:00-19:00 HORAS


OFFICE: WORD

DURACION: 10 HORAS
DATAS: 18-22 DE FEBREIRO
HORARIO: 18:00-20:00 HORAS

Esperemos que as próximas convocatorias funcionen tan ben como esta.

As prazas para o Xuventude Galiza Net 2008 esgotáronse en 28 segundos

As 1.500 prazas do encontro informático Xuventude Galiza Net 2008, que organiza a Dirección Xeral de Xuventude da Vicepresidencia da Xunta, cubríronse en 28 segundos, un récord para un proceso que se efectúa a través da internet e que cada ano recibe solicitudes masivas en moi pouco tempo.

Malia que xa non quedaban prazas ás 17:01 do sábado, o formulario de preinscrición permaneceu dispoñíbel na web do encontro até as 22 horas do domingo. É posíbel, en

calquera caso, que se algunha persoa non completa a última fase do proceso de matrícula, aínda queden prazas libres. A matrícula ten un prezo de 37 euros ou 27 se se dispón de Carné Xove ou de Carné Máis.


A festa informática Xuventude Galiza Net está dirixida á mocidade de entre 16 e 30 anos e serve de punto de encontro e de referencia sobre as novas tecnoloxías. Desenvolverase entre o 14 e o 16 de marzo no Pazo de Congresos e Exposicións de Galicia, en Santiago de Compostela.

Unha recomendación de cine

Hacia rutas salvaxes

Unha maravillosa viaxe a través das emocións, os pensamentos, as relacións e as ilusións. Un xoven idealista decide emprender unha viaxe cara Alaska para vivir da natureza e atoparse a si mesmo.

O guión de Sean Penn inspirouse a sua vez no libro de Jon Krakauer. Penn logra unha historia fresca e emotiva, ben narrada e dirixida.

Chris McCandless é un xoven de 22 anos pertencente a unha familia adiñeirada. Cando termina os seus estudios na Universidade doa todos os seus aforros a Oxfam para sais en busca do significado da liberdade, do seu soño... deixa as suas pertenzas, quema os cartos que ten no peto e vaga por América, facéndose chamar Alexander Supertramp, ata chegar a Alaska.


Noticia do Correo Galego

Compostela acogerá en febrero el primer foro de blogers sobre gastronomía

El primer encuentro de blogers que abordan en sus diarios en Internet temas enológicos y gastronómicos se celebrará en la capital gallega en el mes de febrero, en el marco del Fórum Gastronómico. El encuentro de blogers, bautizado coo EFórum, servirá para elaborar un decálogo de buenas prácticas que fomente un intercambio de información veraz y transparente.

El fenómeno de los blogs, una faceta de internet en auge y que cada vez congrega a más aficionados, tiene también su aplicación en el terreno de la gastronomía, como un canal de intercambio de información con creciente influencia y visibilidad.

El cordinador de las sesiones de trabajo será el profesor Manuel Gago, de la Universidad de Santiago, con la colaboración de Irene García, profesora de la Universidad de Vic.

Los blogers interesados en participar deberán acreditar la autoría de un diario en Internet gastronómico propio, y formalizar la inscripción en la web www.forumsantiago.com.


Esta noticia saía hoxe no periódico. Deixo aquí constancia dalgúns Blogs e páxinas sobre cocina dignos de ser visitados. Bon apetit!!!


http://glotonia.blogspot.com

http://recetania.com

http://cocinaparaimpostores.blogspot.com

http://wellfed.net/2007/12/17/2007-food-blog-award-winners

www.cocineros.info

Programa Uniporta para a compra de ordenadores portátiles


A Consellería de Innovación e Industria lanza axudas para que os estudantes universitarios galegos compren ordenadores portátiles con conectividade sen fíos (wifi). A Xunta achegará un total de 900.000 euros para o desenvolvemento desta iniciativa, a través do programa Uniporta. Nesta edición incorpora novidades respecto anos precedentes. Así, a axuda por ordenador ascenderá a 200 euros, fronte aos 150 € das anteriores convocatorias.

Neste curso os estudantes poderán escoller o modelo de portátil que queren mercar e facelo en calquera establecemento comercial. Isto supón unha vantaxe salientable, posto que nos cursos precedentes só se subvencionaban dous únicos modelos de ordenadores distribuídos por unha única empresa.

A iniciativa foi presentada polo conselleiro de Innovación e Industria, Fernando X. Blanco, xunto cos reitores das tres universidades galegas.

Este curso o programa esténdese tamén para o terceiro ciclo. A medida vai dirixida a calquera estudante matriculado nas tres universidades públicas galegas, tanto de primeiro, segundo e terceiro ciclo coma dos posgraos oficiais. Así mesmo, están incluídas no programa as escolas adscritas ás universidades dos campus galegos.

Uniporta insírese no marco de colaboración institucional coas entidades académicas, co fin de facilitarlle á comunidade universitaria o acceso aos servizos e contidos da Internet e das Intranet universitarias, dun xeito deslocalizado e flexible, mediante a adquisición por parte dos alumnos de ordenadores portátiles con conectividade sen fíos.

Beneficiarios:

Os alumnos matriculados en titulacións oficiais de primeiro, segundo e terceiro ciclo, tanto en centros propios como adscritos

Excluídos

Os matriculados en titulacións non oficiais (posgraos propios), cuarto ciclo, CAP, etc.

Os pertencentes a centros vinculados (Hostalería)

Solicitudes na páxina web

Desde o 2 de xaneiro ata o 31 de outubro. En todo caso, a documentación debe presentarse antes do 15 de novembro e sempre antes dun mes contado a partir da data de admisión da solicitude.

Número de subvencións dispoñibles

977 subvencións para o ano 2008

As solicitudes que cheguen despois de ter acadado ese número quedarán en lista de agarda

Importe da subvención: 200€

Na campaña de 2008 só serán admitidas facturas de 2008

Compatible cos préstamos para xóvenes e universitarios a 60 meses do ICO (Plan Avanza)

Información: nas distintas páxinas web das tres universidades.